Brend Qiymati

Brend Qiymati

Odamlar hech qachon narsa sotib olishmaydi. Ular narsa bera oladigan hissiyot, tuyg‘u, qulaylik yoki harakatni xarid qilishadi. Masalan, biz suvni chanqoq qoldirish uchun olamiz, iPhone’ni esa muvaffaqiyatli ko‘rinish va qotib asabimizga tegadigan smartfondan foydalanmaslik uchun olgimiz keladi.

BREND 

Bozordagi muammo shundaki, bitta kategoriyadagi mahsulotlar ko‘pincha bir xil muammoni hal qilishadi — har qanday suv chanqoqni qoldiradi, har qanday lavashga qorin biroz bo‘lsa ham to‘yadi, har qanday shokoladni ta’mi shirin bo‘ladi.

Shunday ekan, iste’molchini qandaydir suvni yoki lavash, shokoladni tanlashga undashimiz uchun bizga brendning qo‘shimcha qiymati kerak.

Bunday qiymat yo‘q joydan paydo bo‘lmaydi: uning uchun faktlar, falsafa brend xarakteri va tarixi bo‘lishi kerak.

Faktlar bilan ishlash hammasidan ham oson: bizning suvda buloq suvi bor, shuning uchun u zo‘r, lavashimiz tandirda pishadi, shokoladimiz esa Belgiyada qilinadi.

Odamlar buloq suvi toza ekanini biladilar, tandirda ovqat mazali chiqishi ham hammaga ma’lum, shuning uchun marketingda to‘g‘ri faktlardan foydalangan brendlar raqobatchilar bilan kurashda yutib chiqishadi.

Falsafa biroz qiyinroq masala — uni birdaniga yaratib bo‘lmaydi, buning uchun uzoq vaqt kerak. Masalan, Volvo brendi xavfsizlik haqida ko‘p gapiradi, u xavfsiz avto yaratadi va butun kommunikatsiyasi orqali mashinada xavfsizlik — eng muhim narsa ekanini tushuntiradi.

Nike esa qiyinchiliklardan o‘ta olish falsafasini ilgari suradi, agar sen Nike kiysang, demak, qiyinchilik bilan kurashib maqsaga erishishga tayyorsan.

BREND QIYMATI

Agar siz qo‘shimcha qiymat bera olsangiz — sizning mahsulotingiz doimo raqobatda g‘olib bo‘lib chiqa oladi.

Leave a Reply

Email manzilingiz chop etilmaydi. Majburiy bandlar * bilan belgilangan

Back To Top
Theme Mode