Beun kompaniyasi brend haqidagi tasavvurni yaxshilash va bozordagi taniqliligini oshirish maqsadida o‘z mahsulotlari qadog‘ini yangilashga qaror qildi. Eski dizayn brend qadriyatlarini to‘liq ifoda etmasdi va iste’molchilarda premium toifasidagi kosmetika mahsuloti sifatida tasavvur uyg‘otmasdi.
Biz mahsulotlarning premium toifasi va xususiyatidan kelib chiqib qadoqlarni to‘liq qayta ishlab chiqdik.
To‘rtta to‘plam uchun o‘zining unikal dizayni yaratildi:
• Smart Akne: oy kraterlarini eslatib yuboruvchi tekstura bilan — husnbuzarlarga qarshi vosita.
• Anti Age: qurib qolgan tuproq teksturasi bilan — yoshartiruvchi va ajinlarga qarshi vosita.
• Whitening: oq leopard terisi kabi mayin tekstura bilan — terini oqartiruvchi vosita.
• Quality Cleaning: mikroorganizmlar to‘plamini eslatuvchi tekstura bilan — chuqur tozalovchi vosita uchun.
Qadoqda beun nomi aks etgan joy sari tekstura sekin-asta yo‘qolib boradi, go‘yoki «tozalanib», «tiklanib» borayotgandek — ham ko‘chma, ham vizual ma’noda. Bu brendning tozalik va tabiiylikka, terining tabiiy go‘zalligini tiklashga bo‘lgan g‘amxo‘rligini ifodalaydi.
Beun qadoqlarining yangi dizayni maqsadli auditoriya uchun jozibador va tanilishga oson holatga keldi. Endi qadoqlar aniq kosmetika mahsulotlari haqida tasavvur uyg‘otmoqda, bu esa sotuvlarning oshishiga va brendning bozordagi o‘rnini mustahkamlashga yordam bermoqda.
