Numa Bonny

Vitamin va minerallar organizmning asosiy tizim va organlarining normal ishlashini ta’minlash uchun zarurdir. Аmmo oziq-ovqatlar orqali ular yetarlicha qabul qilinmasa, ularning yetishmovchiligi yuzaga kelib, kasal boʻlish ehtimoli ortadi.

Vitamin va minerallarni xalqqa yetkazishda faol ishtirok etib kelayotgan Numa Nutrimakondan (Kalsiy+Vitamin D3) bolalar uchun moʻljallangan preparatga buyurtma tushdi. Mahsulot kimyoviy qoʻshimcha va boʻyoqlardan holi, jigar uchun zararsiz qilib tayyorlangan.

Produktni va uning instruktsiyasini oʻrganib chiqib, preparat bolaning toʻgʻri oʻsishida koʻmaklashishini aniqlab oldik.

Neymingda Bone (suyak) soʻzidan kelib chiqib, Bonny nomini taqdimotini oʻtkazdik. Bunday nom bolalar va mahsulot oʻrtasida yaxshi koʻprik vazifasini oʻtaydi. Shuningdek, bu qisqa nom boʻlib, ota-onalarning oson eslab qolishiga yordam beradi. Nafaqat, qisqa balki qanday yozilsa, shunday oʻqiladi.

BONNY ayiqcha shaklidagi marmeladlardan iborat boʻlib, bola iste’moli uchun qulay qilib ishlangan. Qadoq ichida 60 ta marmelad bor. Mahsulot kichik yoshdagi bolalardan tortib, to oʻsmir yoshidagi bolalar uchun moʻljallangan.

Bonny tarkibidagi D3 vitamini suyaklar, tishlar va tirnoqlarni mustahkamlashdan tashqari, bolalarning sogʻlom oʻsishini ham ta’minlaydi. Shuning uchun asosiy shior sifatida «Sogʻlom oʻsish» deb yozib qoʻydik.

Dizayn konsepsiyada Bonnyni kostyumidagi qahramon sifatida koʻrsatdik va Rikki personajiga yaqinlashtirdik. Fonida D3 vitamini (quyosh vitamini) boʻlganligi sababli sariq rangdan foydalandik. Personajimiz barcha 2D va 3D koʻrinishlarda keng qoʻllanilishi mumkin.