Eron o‘zining kimyo sanoati bilan mashhur, shu jumladan kir yuvish kukunlarini ishlab chiqarish borasida ham yetakchilardan biri hisoblanadi. Bu safargi mijozimiz ayni Erondan kir yuvish kukunlarini olib kelib, STM (sobstvennaya torgovaya marka) asosida o‘z brendi bilan bozorga kirib borishni maqsad qildi.
Vazifamiz — yangi mahsulot uchun brending qilish: u neyming, logotip va qadoq dizaynini o‘z ichiga oladi. Asosiy e’tibor dizaynga qaratilishi, maqsadli auditoriyaning e’tiborini torta olishi, raqobatchilar mahsulotlariga nisbatan ko‘proq ko‘zga tashlanib turishi kerak edi.
Qadoq dizaynida yorqin ko‘k, yashil va qizil ranglardan foydalandik. Mahsulot xususiyatlari va va afzalliklarini tushunarli matnlar va illyustratsiyalar bilan to‘ldirdik.
Natijada yangi dizayndagi mahsulot mahalliy brendlar ichidan o‘zining yorqinligi bilan ajralib chiqdi. Mahsulot qisqa vaqt ichida ko‘pchilikning ishonchini qozondi va o‘zining sodiq mijozlariga ega bo‘ldi.
