Yessentuki: O‘zbekiston bozori uchun suv qadog‘ining premium dizayni
"Yessentuki" qadoqlama dizayni O‘zbekiston bozori uchun STM formatida moslashtirildi. Yechim: oltin chiziqlar, debossirlash effekti, an’analarni saqlab qolish va mahsulotning nafisligini hamda ishonchliligini oshirish maqsadida "Dobro Dobrom" logotipini qo‘shish.
1. Vazifa
Rossiyada ishlab chiqariladigan “Ессентуки” brendini mijozimiz “Dobro Dobrom” kompaniyasi shaxsiy savdo markasi (СТМ) sifatida O‘zbekistonga olib kirdi. Mahsulot Rossiyada taniqli bo‘lishiga qaramay, bizning bozorda quyidagi ishlar qilinishi kerak edi:
• vizual uslubni mahalliy kutuvlarga moslash;
• dizaynda suv manbayini alohida ko‘rsatish;
• qadoq orqali premium sifat taassurotini kuchaytirish.
2. Tadqiqot
Biz auditoriya kutuvlari va raqobat muhitini o‘rgandik, shriftlari, ranglar kombinatsiyasi, tog‘lar obrazi kabi brendning asosiy elementlarini tahlil qildik. Iste’molchi an’analar va premium sifat uyg‘unligini qadrlashini, qadoq esa imkon qadar yoqimli, vizual jihatdan tartibli bo‘lishi kerakligini, mahsulotning tabiiy kelib chiqishi alohida ta’kidlanishi muhimligini aniqladik.
3. Yechim
Biz etiketkadagi mavjud uslub va umumiy kompozitsiyani saqlab qoldik, ammo tillarang xoshiyalar qo‘shgan holda dizaynni qayta ishlab chiqdik. Dizaynga debosslash, ya’ni bo‘rtma effektini kiritdik, shu bilan mahsulot premium toifada ekanini ko‘rsatdik va iste’molchi butilkani ushlaganda o‘zgacha emotsiya his qilishini ta’minladik. "DOBRO dobrom" logotipini sifat belgisi sifatida kompozitsiyaning markaziga joylashtirdik.
Natija
• O‘z taniqliligini saqlab qolgan zamonaviy va premium qadoq.
• Suv manbasiga ko‘ra farqlanuvchi dizayn.
• Yangi bozorda ishonch qozonadigan brend.
• Do‘konda ajralib turadigan va esda qoladigan qadoq dizayni.
Agar siz ham СТМ sifatida mahsulot import qilayotgan bo‘lsangiz, dizayn xizmatlari uchun bizga murojaat qiling.
