Benelle — biskvitli kekslar uchun qadoq dizayni
Benelle biskvitli kekslari uchun premiumlik va sifatni ta’kidlovchi qadoq dizaynini ishlab chiqdik. Tinchlantiruvchi fon ranglari oltin naqsh bilan va keksning realistik 3D-modeli mahsulotni dasturxon bezash uchun munosib qiladi.
1. Vazifa
“Zarqand” kompaniyasi yangi mahsulot — “Benelle” biskvitli kekslarini ishlab chiqarishni boshladi. U ikki xil ta’mda mavjud: shokolad va vanil. Mahsulot O‘zbekiston mahalliy bozorida sotilishi reja qilingan. Biz mahsulot sifati va premium toifasini ko‘rsatib beradigan, asosiysi esa dasturxonbop qadoq dizayni ishlab chiqishimiz kerak edi.
2. Tadqiqot
Bozorda turli qadoqdagi biskvitlar bor: bolalar uchun yorqin ranglilaridan tortib arzon-garov turlarigacha. Lekin bir muammo bor — ularning hammasini ham dasturxonga bezatish uchun qo‘yib bo‘lmaydi.
Bizning insayt: “Benelle” shunday ko‘rinishga ega bo‘lishi kerakki, uning qadog‘i nafaqat do‘konda xaridorlarni jalb qilishi, balki premium mahsulot hissini ham berishi kerak.
3. Yechim
Realistik ko‘rinish. Biz kekslarning 3D modelini puxta ishlab chiqdik: biskvit fakturasi, shokolad jilosi va krem mayinligini imkon qadar haqiqiyga yaqin qilib ko‘rsatdik.
Premium hissi. Dizaynda sokin ranglar ishlatildi: shokoladli ta’m uchun och ko‘k va plombir uchun och yashil. Obrazni to‘ldirib turuvchi tillarang naqshlar esa an’analar va oliy sifatga ishora qiladi.
Tizimlilik. Ta’mga ko‘ra ranglar farqlanadi, ammo umumiy dizayn yagona tizim doirasida.
Natija
Benelle premium ko‘rinishdagi qadoq dizayniga ega bo‘ldi. Bunday mahsulot do‘kon rastasida ham, bayram dasturxonida ham chiroyli turadi. Qadoqdagi mahsulotning haqqoniy va ishtahaochar tasviri ishonchni va tatib ko‘rish hissini oshiradi.
