11.11.2023
MA qanday aniqlash mumkin va u nima uchun kerak?
Biznes mijozlarsiz ishlolmaydi, shuning uchun, har kuni sizdan xizmat yoki tovar sotib oladigan, “o‘zingizni” odamlaringizni tez va oson aniqlab olishingiz, biznesingiz uchun juda muhim omil.
“O‘zingizni” odamlaringiz bu sizning maqsadli auditoriyangiz. MA ni aniqlash uchun bir nechta aniq savol berib, portret, ya’ni, biznesdan xarid qilishga tayyor bo‘lgan insonlarning umumiy ko‘rinishini yaratib olishingiz kerak.
Masalan, Evos’ning MA — Anvar aka, u 35 yoshda, oyda bir necha marta oilasi bilan aylangani chiqadi, shunda ularni eng yaqindagi Evos’ga ovqatlanishga olib boradi.
Yoki Yandeks.Taksi auditoriyasi — Rustam, u 27 yoshda, shahar markazidagi xususiy kompaniya ofisida ishlaydi, o‘zi Parkentda, ijaraga olingan kvartirada yashaydi.
Bu auditoriyalarning har biri mahsulotdan qandaydir qiymat topadi — Anvar aka oilasini mazali, biroz bayramona ham qimmat bo‘lmagan joyda ovqatlantirishni xohlaydi.
Rustam esa har kuni ofisga yetib borgunicha ko‘chadagi taksichilarga manzilni tushuntirib o‘tirmasdan, qulayliklar bilan ishga yetib olishni xohlaydi va buning uchun 3-5 ming so‘m qimmatroq to‘lashga rozi.
MA QANDAY ANIQLASH MUMKIN VA U NIMA UCHUN KERAK?
O‘ylab ko‘ring, siz odamlarga qanday qiymat bera olasiz? Aynan qanday odamlarga?
Hozir bir necha daqiqa vaqtingizni mijozingiz portretini shakllantirishga qarating — u qachon uyg‘onadi, kim bo‘lib ishlaydi, necha yoshda, qancha pul topadi, qayerda nima bilan ovqatlanadi, oilasi bormi va qanday qiziqishlar bilan yashaydi.
Bu savollarga javob berish orqali siz auditoriyangizga chuqurroq sho‘ng‘ib olasiz, unga kommunikatsiyada qayerda, qanday va nima deyishni aniqroq bilib olasiz.
Ulashish
Boshqa maqolalar
29.09.2026
O‘zbekistonda “HalOl” sertifikati: u biznesingizga nima uchun kerak, narxi qancha va qanday olinadi?
Oldinlari “Halal” belgisi ko‘pchilik uchun shunchaki chiroyli marketing nayrangi edi. Qadoqqa yashil yarim oy yopishtirilsa, savdo o‘saverardi. Ammo o‘yin qoidalari tubdan o‘zgardi. 2025-yil 1-maydan boshlab O‘zbekistonda “Halal” markirovkasi davlat nazoratiga olindi. Endi bu belgi uchun faqat SMIIC standartlari asosidagi rasmiy sertifikat talab qilinadi. Sertifikat olish ixtiyoriy bo‘lsa-da, yirik supermarketlar, eksport yoki import xomashyo bilan ishlashda u biznesning asosiy shartiga aylandi.
Agar siz oziq-ovqat, kosmetika yoki hatto oddiy qadoqlangan suv ishlab chiqarayotgan bo‘lsangiz va qadog‘ingiz noqonuniy belgi uchun jarima yig‘ib kelishini emas, balki savdoni oshirishini istasangiz, yangi qoidalarni tushunib olishingiz kerak bo‘ladi. Ushbu maqolada biz bevosita brendlar bilan ishlovchi agentlik sifatida hammasini ipidan-ignasigacha bayon qilamiz: bugungi kunda qonuniy sertifikatlarni kim beryapti, ishlab chiqarishingiz qanday mezonlar asosida tekshiriladi, bu jarayon necha pulga tushadi va qaysi kutilmagan mahsulotlarda halollik statusi hal qiluvchi rol o‘ynaydi.
21.09.2026
Qadoq dizaynda mahalliy brendlarning xalqaro bozorga chiqishdagi odatiy xatolari
Oʻzbekistonlik ishlab chiqaruvchilar tobora koʻproq tashqi bozorga koʻz tikmoqda. Eksport qanchalik muvaffaqiyatli boʻlishini odatda qadoq hal qiladi. Odatda sabab mahsulot sifatida emas, balki tashqi bozor qadog‘i ichki bozordagi kabi chizilishida bo‘ladi. Yaʼni, oʻzimizda ishlanayotgan qadoqni olib, nomini inglizchaga oʻgirib qoʻyishadi, boʻldi tamom.
Quyida eng koʻp uchraydigan xatolar va ularning har biri nega dastlab koʻringanidan qimmatroq tushishi haqida so‘z yuritilgan.
15.09.2026
Oʻzbekistondagi bosmaxonalar imkoniyati va uning dizaynga taʼsiri qanday?
Chiroyli chizilgan prototip bilan bosmaxonadan chiqadigan qadoq har doim bir xil boʻlmaydi. Dizayner gʻayrioddiy shishani, unga yopishtirilgan baxmalsimon etiketkani va zarhal yozuvlarni chizib berishi mumkin. Asosiy savolni “buni ishlab chiqarish mumkinmi?”, deb qoʻyish kerak.
Muhimi, bu savol qadoq tasdiqlanishidan oldin, chizish paytidayoq qo‘yilishi kerak. Aks holda, qimmatga tushadigan qayta ishlash yoki “monitorda chiroyliroq edi” degan afsus-nadomat qoladi.
Oʻzbekistonda qadoq ishlab chiqarish FMCG bozori bilan birga oʻsib boryapti. Shuning uchun bosmaxonalarning real imkoniyatini bilish dizayner uchun rang va kompozitsiyani his qilishdek zarur.