Esla — muzqaymoq brendi uchun neyming va qadoq dizayni

O‘zbekistonda muzqaymoq ishlab chiqaruvchi Zenit brendi bir vaziyatga duch keldi: yangi mahsulotni raqobatchilardan ajratib turadigan va uni madaniy qadriyatlar bilan hissiy jihatdan bog‘laydigan noyob aydentika yaratish kerak edi. Kompaniyaning hozirgi holati uning o‘ziga xosligini ifodalamaydi va mahsulotlarining yuqori sifatini aks ettirmas edi.

Qadoq dizayni
Neyming
Logotip

1. Vazifa

Bizning oldimizda yangi muzqaymoq lineykasi uchun neyming, logotip va qadoq dizaynini ishlab chiqish vazifasi turgandi.

Asosiy maqsad — shunchaki chiroyli qadoq emas, balki xaridor bilan hissiy aloqa o‘rnata oladigan, an’analarga asoslangan brend yaratish edi.

2. Tadqiqot

Biz ishni maqsadli auditoriya va bozorni sinchkovlik bilan tahlil qilishdan boshladik. Iste’molchilar bilan ularning istaklari va kutuvlarini tushunish uchun intervyular o‘tkazdik. Shirinlik, xususan muzqaymoq tanlashda an’analar va hissiy aloqalarning ahamiyatiga e’tibor qaratdik. Logotipning o‘zi brendning asosiy qadriyatlarini aks ettiruvchi sodda va esda qolarli bo‘lishi kerak edi.

3. Yechim

Olingan ma’lumotlar asosida biz kompleks yechimni taklif qildik. Neyming uchun o‘zbek tilidagi «Esla» nomini tanladik (Farruh Zokirovning mashhur qo‘shig‘idan ilhomlanib), bu xotira va o‘tmish bilan bog‘lanishni anglatadi. Vizual uslubda soflik va yengillikni anglatuvchi yumshoq feruza rangli fondan foydalandik.

Mahsulot turlari bo‘yicha dizayn yechimlari:

4. Stakanchik

Klassik va eng xaridorgir format uchun biz brendning asosiy ranglaridan — yumshoq feruza fon va aniq tipografikadan foydalandik. Bu dizayn javonda tozalik va tabiiylik hissini uyg‘otadi.

5. Rozhok

Yirikroq va qarsildoq vafli uchun premium yondashuv tanlandi. Yorqin feruza va to‘q ko‘k ranglar uyg‘unligi mahsulotning yuqori sifatiga urg‘u beradi va ishtahani ochuvchi mahsulot tasviri (foodzone) bilan to‘ldirilgan.

6. Comic Cone

Bu lineyka uchun biz g‘ayrioddiy yondashuv qildik. Qadoq qog‘ozida milliy qadriyatlar, bolalik xotiralari va samimiy o‘zbek hayotini aks ettiruvchi qiziqarli komikslar (chizmalar) joylashtirildi. Bu shunchaki qadoq emas, balki xaridorga hikoya so‘zlovchi vositadir.

7. Double Element

Ikki tomonlama lazzat (sendvich-muzqaymoq) uchun qadoqda mahsulotning kesimi yirik planda ko‘rsatildi. Bu xaridorga ichidagi qarsildoq pechenye va mayin muzqaymoq qatlamlarini darhol ko‘rish imkonini beradi.

8. Pancake

Pankeyk asosidagi muzqaymoqlar uchun (sutli va kakao) biz mahsulotning yumshoqligini ta’kidlovchi dizayn qildik. Qadoqdagi realistik tasvir iste’molchida yangicha tekstura va ta’mni his qilish istagini uyg‘otadi.

Natija

Yangi neyming, logotip, qadoq dizayni va marketing strategiyasi yordamida biz Zenit brendiga muzqaymoq bozorida o‘ziga xos pozitsiyani egallashga yordam berdik.

Shuningdek, biz brend uchun ajoyib marketing strategiyasini ham taklif qildik: bu muzqaymoqlarning tezda iste’mol qilinadigan kichik hajmda bo‘lishi g‘oyasi. Ushbu muzqaymoqlar qutilarda ham, chakana holatda ham sotiladi, bu esa iste’molchilarga o‘z farzandlari va yaqinlari uchun ko‘proq muzqaymoq sotib olish imkonini beradi.

Biz brendni an’analar va madaniyat bilan bog‘ladik, bu esa mahsulotni keng auditoriya uchun jozibador qildi.