Bizning ishlarimiz

“Dobro Dobrom” brendi bilan oldin ham katta loyihalarda — sharbatlar va “ Yessentuki ” suvlari qadog‘i ustida ishlaganmiz. Bu safar ular yangi Moxito ichimligi bilan kelishdi. Bozorda chaqmoq va olovlar bilan bezatilgan, go‘yoki odamga qanot bag‘ishlaydigan agressiv energetiklar polkalarni egallab olgan bir paytda, bu yaxna ichimlikni xaridorga qanday taqdim etsa, to‘g‘ri bo‘ladi?

Pista chaqish — bu shunchaki odat emas, balki qon-qonimizga singib ketgan o‘ziga xos milliy sportimiz! Choyxonadagi gurunglarda ham, oila davrasida serial ko‘rganda ham o‘rtada albatta bir idish pista turadi. Yaqinda xuddi shu qaynoq bozorga yangi brend kirib keldi va bizga qadoq dizaynini yaratish vazifasi topshirildi.

“Ota rozi — Xudo rozi”, deydi dono xalqimiz. Farg‘onaning mashhur Mehrigiyo korxonasi asoschilari ana shu hikmatga amal qilib, yangi subbrendlarini otalarining sharafiga Doctor Ali deb nomlashgan. Niyat xolis ekan, bu mahsulot kichik bir hududda emas, to‘g‘ridan to‘g‘ri okean ortida — Amerika Qo‘shma Shtatlarida ham sotila boshladi. MINIM jamoasi uchun bu loyiha nafaqat navbatdagi ish, balki o‘ziga xos milliy g‘urur masalasi ham edi.

Sog‘lik — tuman boylik, deydi dono xalqimiz. Organizm soatdek aniq ishlashi uchun turli vitamin va minerallar suv va havodek zarur. Ayniqsa, rux (sink) moddasining o‘rni beqiyos. U turli viruslardan himoya qiladi, bo‘y o‘sishiga ko‘maklashadi va umuman olganda, tana uchun eng kerakli minerallardan biri hisoblanadi. “Alkimyogar pharm” kompaniyasi ayni shu yo‘nalishda katta ishga qo‘l urdi. Ular Kanada texnologiyasi asosida o‘zimizning Farg‘onada rux kolloid eritmasini ishlab chiqarishni yo‘lga qo‘yishdi. Bu ularning mutlaqo o‘ziga xos, eksklyuziv mahsuloti edi.

Xalqimizda to‘y-tomosha, yig‘in-ma’raka deganlari hech qachon tugamaydi, ilohim, tugamasin ham. Ammo shu to‘kin dasturxonning qoq markazida viqor bilan turadigan, mehmonlar oldida mezbonning yuzini yorug‘ qiladigan premium salqin ichimliklar masalasi hamisha dolzarb. Ishlab chiqaruvchi mijozimiz Eldor aka bilan bu uchinchi yirik loyihamiz. Avvalroq ular uchun “ NOV ” va “Toshkent suv” mineral suvlari loyihalarini pishiq-puxta qilib topshirgan edik. Navbatdagi, uchinchi yurish esa СТМ (shaxsiy savdo belgisi) formatidagi yangi brend — AquaAsia bo‘ldi.

Bizning dasturxonni sut, qatiq, qaymoq, smetana yoki kefirsiz tasavvur qilib bo‘lmaydi. Bular qon-qonimizga singib ketgan mahsulotlar. Lekin so‘nggi paytlarda bozorda sekin-asta yangi va noodatiy bir mehmon paydo bo‘lmoqda — grek (yunon) yogurti. Unga bo‘lgan talabni asosan fitnes trenerlar va sog‘lom turmush tarzini targ‘ib qiluvchi kontentlar yaratib bermoqda. MINIM agentligiga “Lattico” brendining yangi grek yogurti uchun dizayn konsepsiyasini ishlab chiqish vazifasi ishonib topshirildi.

Bozorning issiq-sovug‘ini yaxshi biladigan, 12 yildan beri freon sohasida bo‘lgan “Dekat” kompaniyasi o‘z faoliyatida katta qadam tashladi. Ular endi mahsulotni shunchaki import qilish bilan cheklanmay, o‘zlarining shaxsiy savdo markasini (СТМ) yaratishga qaror qilishdi. Asosiy mijozlari — ustalar. “MINIM” agentligi oldida esa ushbu yangi brendni bozorga yorug‘ yuz bilan olib kirish, ustalar ishonchini qozonadigan yaxlit yechim topish vazifasi turardi.

Odamlarning yashash tarzi o‘zgarmoqda: hamma qayoqqadir shoshadi, pulni va eng muhimi, vaqtni tejash bugungi kunning asosiy tendensiyasiga aylandi. Buni supermarket polkalaridan ham yaqqol sezish mumkin. E’tibor berganmisiz, oldinlari tez tayyor bo‘ladigan lapshalar uchun do‘konda atigi 2-3 qator joy ajratilardi. Hozir esa ular butun boshli katta stellajlarni egallab yotibdi. Bu bozor ancha to‘yingan, raqobatchilar ko‘p, lekin shu bilan birga u shiddat bilan kengayib boryapti. Aynan mana shu trendni to‘g‘ri anglagan holda yangi loyihaga investitsiya kiritishga qaror qilgan Xitoylik mijozlarimiz MINIM agentligi eshigini qoqib keldi.

Biznesda eng katta yutuq — bu mijoz bilan o‘rnatilgan mustahkam va uzoq muddatli ishonchdir. MINIM agentligi va tadbirkor Jahongir Xo‘jayev (“Sariq bola” brendi asoschisi) o‘rtasidagi strategik hamkorlik bugungi kunga kelib o‘zining uchinchi bosqichiga qadam qo‘ydi. Bungacha biz birgalikda “Bolajon City Mall” savdo-ko‘ngilochar markazi va “Nanna” (makkajo‘xori tayoqchalari) kabi yirik loyihalarni muvaffaqiyatli yakuniga yetkazgan edik. Bu gal esa mijozimiz “Gazzak” lineykasi ostida yangi mahsulot — gulchali makkajo‘xori chiqarish rejasi bilan keldi.

Bozorga yangi mahsulot bilan kirib kelish xuddi katta va raqobati kuchli maydonning eshigini taqillatishga o‘xshaydi. Xaridorlar sizni qanday kutib olishi ko‘p jihatdan “ustingizdagi libos”ga, ya’ni qadoq dizayniga bog‘liq. MINIM agentligiga murojaat qilgan navbatdagi mijozimiz anchagina yosh, ammo oldiga tog‘dek katta maqsadlarni qo‘ygan shijoatli tadbirkor yigit edi. U kundalik ehtiyoj tovarlari (FMCG) bozoriga yangi — “Nur&Garden” brendi bilan kirishni niyat qilgandi. Bizning vazifamiz esa aniq va lo‘nda: shunchaki chiroyli dizayn chizib berish emas, balki to‘g‘ri vizual yechimlar orqali bu yosh brendga yangi bozorlar va imkoniyatlar eshigini ochib berish!